news

Jólin jólin jólin koma brátt :)

17 Des 2021

Jólin jólin jólin koma brátt :)

Í dag komu nemendur úr Tónskólanum ásamt Sigurlaugu og Jóhanni og héldu jólaball fyrir okkur í salnum. Ballið var tvískipt, fyrst voru yngstu nemendur (Selið, Sunnudeild, Dropadeild og Skýjadeild(árg 2019)) svo voru eldri nemendur saman á Jólaballi(Mána, Stjörnu og Blómadeild og 2018 nemendur á Skýjadeild). Þegar ballið var hálfnað mættu þrír sveinkar í heimsókn og tóku lagið og dönsuðu og trölluðu með börnum og starfsfólki eftir það fóru börnin inn á sína deild og þangað kom svo einn sveinki í heimsókn og færði þeim gjöf. Börnin fengu samverur á sinni deild og svo var borðaður jólahátíðarmatur. Mánadeild borðaði öll saman við langborð í salnum, þegar hún var búin fór Stjörnudeild í matsalinn og svo Blómadeild. (gaman að hafa smá tilbreytingu. Í matinn var bayonne skinka, gular baunir, rauðkál, rjómasúkkulaðiávaxtasalat, sveppasósa og í eftirrétt var íspinni. Börnin fóru í útiveru og það var gott að komast út og viðra sig :) Svo var leikið sér inn á deildum, sumir að leggja lokahönd á að pakka inn jólagjöfum og ganga frá skráningum í kringum þær. En annars vona ég að þið eigið gleðilega hátíð með ykkar nánustu og eigið góð jól og áramót. Hlakka mikið til að hitta ykkur aftur og eiga aftur góðar stundir með ykkur. Kærleikskveðjur Maríanna

læt fylgja mynd af mér í jólasvuntunni að þjóna til borðs í matsalnum í dag :)